Chapter 20. Usar TaaS in OmegaT

1. Generalitates
2. Collectiones public e private
3. Accesso al servicio TaaS

1. Generalitates

Le servicio TaaS al sito https://demo.taas-project.eu/info supple servicios de terminologia in le linguas europee (plus russo). Illo permitte accesso sia al datos public e private, ubi le glossarios private (denominate "collectiones") pote esser extrahite ex le documentos existente, e le terminos de destination in parte populate automaticamente per fontes varie.

2. Collectiones public e private

OmegaT permitte acceder le parte public de TaaS sin ulle registration.

Pro acceder Le parte private, un usator debe crear un clave usante https://demo.taas-project.eu/account/keys/create?system=omegaT.

Le clave debe alora esser date a OmegaT usante -Dtaas.user.key=xxxxx. Le lanceatores de configuration de OmegaT (OmegaT.l4J.ini, omegat.kaptn e OmegaT.sh) contine un modello insertion.

Quando on accede al servicio sin un clave private, essera mittite in le log le message sequente: Clave API del TaaS non trovate. Vade a https://demo.taas-project.eu/account/keys/create?system=omegaT pro crear tu proprie clave, tum da lo a OmegaT con -Dtaas.user.key=xxxxx

3. Accesso al servicio TaaS

Clicca sur Optiones, glossario pro monstrar le optiones sequente:

Navigar per le collectiones TaaS permittera le navigation inter le existente collectiones pro le linguas fonte e destination del projecto, e discargar los. Le collectiones private es displicate in nigrato. le collectiones es discargate qual glossarios TBX in le plica del currente glossario.

Recerca del terminologia TaaS: quando controlate, permittera querer a TaaS datos sur le base de segmento per segmento. Tote le collectiones (public e private) essera querite pro le linguas fonte e de destination.

Pro limitar le quantitate del datos, il es possibile eliger un dominio specific per Selige le dominio de recerca del terminologia TaaS. In iste fenestra de dialogo, il es possibile eliger Tote le dominios o uno specific.