Eksempel på bruk av filteret

Originalbiletet

Eksempel på bruk av filteret

Etter bruk av filteret Vind


Du har tilgang til filteret frå biletmenyen via FilterForvrengningarVind

Dette filteret kan brukast til å lage fartssløring, eller som eit generell sløringsfilter. Det som er karakteristisk for dette filteret, er at det finn kantar i biletet og bles ut tynne striper frå desse kantane. Sidan det er kantane som blir mest sløra når du fotograferer raske rørsler, kan dette filteret også brukast for å gi ein illusjon av rørsle.

Innstillingane for filteret Vind

Glidebrytaren Styrke bestemmer styrken på vinden. I tilleg kan du velje mellom to vindstilar, Vind og Blåst. Glidebrytaren Grenseverdi bestemmer kor mange fartsstriper det skal bli i biletet.

Sjølv om du bare har to vindretningar å velje mellom, kan du i tillegg bestemme kva kant av objektet som skal påverkast, anten i lo eller i le. Fartstripene frå vindsida er lyse, medan stripene frå le side er mørke.

Det er dette biletet som er utgangspunktet i eksempla som viser filtereffekten:

Førehandsvising

Førehandsvisinga syner endringane i biletet etter kvart som du endrar parametra. Endringane blir ikkje lagt inn i biletet før du trykker på knappen OK.

Stil
  • Vind: I og med at denne innstillinga gir tynne linjer, vil dette vere det rette valet for å lage fartsstriper.

  • Blåst: Denne gir tykkare strekar, og kan vel heller minne om utblåsinga etter ein eksplosjon.

Retning

Du har bare valet mellom to vindretningar, anten frå venstre eller frå høgre.

Påverka kant
  • Leiande: Fartsstripene vil byrje frå den kanten som vender mot vinden. Stripene vil såleis gå inn over biletobjektet og dra med seg fargane frå objektet.

  • Hengande: Fartsstripene vil byrje frå den kanten som vender frå vinden. Stripene vil såleis gå bort frå biletobjektet.

  • Begge: Kombinerer begge effektane.

Grenseverdi

Grenseverdi: Denne glidebrytaren bestemmer grensa for kva filteret skal oppfatta som ein kant i biletet.

Styrke

Styrke: her kan du på ein relativ skala frå 1 til 50 bestemma styrken på effekten.